ماسکو میں شدید برف باری کے باعث نظام زندگی درہم و برہم

مہر خبررساں ایجنسی نے ذرائع کے حوالے سے نقل کیا ہے کہ روس کے دارالحکومت ماسکو میں شدید برف باری کے بعد ہر شے برف سے ڈھک گئی ہےجس کے نتیجے میں نظام زندگی درہم و برم ہوگیاہے۔ جبکہ کئی پروازیں تاخیر کا شکار ہوگئی ہیں۔ماسکو میں برفیلے طوفان نے ٹریفک کانظام مفلوج کر کے رکھ دیا۔طوفانی برف باری کے بعد حد نگاہ انتہائی کم ہو گئی ،جس کے نتیجے میں کئی ٹریفک حادثات ہوئے ،سڑکوں پر برف کے ڈھیر لگ گئے۔ جس کے بعد سڑکوں سے برف ہٹانے کا کام جا ری ہے،ماسکو میں اس موسم کے باعث 20 پروازیں معطل جبکہ 170 تاخیر کا شکار ہوگئی ہیں۔